Day1~關西空港- Rinku Premium Outlets- 心斎橋駅
到達關西空港後都下午, 爭取時間shopping
, 首先去左機場附近o既Rinku Premium Outlets, 因為走果日搭1:00pm機, 應該都無時間再巡呢個outlet。
唔係用左好多時間周圍掃, 只係快立, 啱就入去睇, 最後好成功....因為係空手而回, 乜都無買到, haha, 幾勁?!只係喺果度買左杯甜筒
食咋, 不過好好味~
行到6:00pm左右天黑黑, 諗住搭車走, 點知喺呢個時候比我發現到一間100yen店喎~~我最
o既日本100yen店呀, 當然即入去掃啦, 今次買到野嘞, 重買左支好好飲o既玄米茶添~~LUCKY!
今次真係要走嘞, 向住心斎橋出發!
由心斎橋一路行去酒店, 沿途兩邊全部都係舖頭, 花lee花碌咁, 好鬼吸引, 已經知道呢道起碼要行1個full day先得
~
去到酒店, 比想像中好, 始終日本野差極有限。休息左一陣, 急不及待就出返去心斎橋一帶搵食。去到見到一間壽司店有做"放題"(即係任食), 但要成三千yen一位, 計一計如果去一百yen迴轉壽司可以食到廿幾三十碟, 而傻佬又唔多食壽司, 如果去放題一定回唔到本, 於是決定去迴轉壽司。 可惜呢度無一百yen一碟咁平, 最平都係百三yen, 都抵, 一於去馬! 食飽再係週圍行左陣, 就返酒店休息, 為第二日既行程作準備。
